Snoek met amandelkors en druiwekonfytsous

2 Mar

Bonnie en Clyde. Antony en Cleopatra.  Lancelot  en Guinevere. Daar is gelukkig beroemde ander paartjies wat ewig trou aan mekaar gesweer het sonder tragiese eindes – soos vis en tjips, oesters en vonkelwyn, grondboontjiebotter en goue stroop.

Vandeesweek het ek by ‘n goedige kookkompetisie met die Durbanville se wynboere ‘n paar nuwe uitblink-kombinasies ontmoet en ou gunstelinge herontdek.

Die wonderlike tradisie om snoek saam met korrelkonfyt te geniet was ook in die kollig, met ‘n kinkel. Die snoek het met ‘n nuwe baadjie  gespog – in die vorm van ‘n amandelkors.

Dis met ‘n Chenin Blanc korrelkonfyt-bottersous bedien en voorgesit met outydse bykosse soos patat-in-die-skil, rou beetjies en gesnipperde vars geelperskes met borrie.

Berei die amandelkors voor:  Rooster 200 g heel amandels met die skil aan in die oond, laat dit afkoel en kap dit dan grof of pols dit in ‘n voedselwerker saam met vars tiemie.

Snoek: Vat jou gevlekte snoek, geur liggies met sout en peper. Plaas dit op bakpapier op ‘n bakplaat velkant na onder. Smeer die vis aan die vleeskant met crème fraiche – want dit help dat die amandel vasklou en gee ook smaak aan die vis. Strooi nou die amandelstukkies met tiemie bo-oor die vis en druk liggies vas. Bak die snoek in ‘n baie warm oond  teen 240°C vir sowat 12 minute tot dit net gaar is.

Korrelkonfyt bottersous – Smelt 1 koppie druiwekonfyt saam met 1/2 koppie botter en ‘n stewige skeut suurlemoensap.

{Wyn in die glas}

Ek het die amandelsnoek verskriklik geniet saam met Phizantekraal se bekoorlike Anna de Koning Chenin Blanc 2011 – die eerste Chenin Blanc uit die Durbanville wynstreek (* sien wynnota).

{Bykosse}

As bykosse het jy niks meer nodig as oudae se patat-in-die-skil, rou beetjies en gesnipperde vars geelperskes met ‘n speserysmakie.

Vir outydse ‘rou beet- en uieslaai’:  Skil 6 jong beetjies af en sny in papierdun skyfies met ‘n  mandolien . Sny 1 klein ui ook so fyn en plaas die beet en uie in yswater.  Spin dit droog.  Giet ‘n vinaigrette oor gemaak van  ½ k witwyn + ½ k olyfolie + ½ k witsuiker.  Geur met sout en fyn witpeper.

Patats: was die patats goed af, prik die skil met ‘n vurk en bak in ‘n voorafverhiite warm oond 200 °C tot die patat sag is en die skil begin loskom.  Medium grootte patats bak sowat 60 minute.

Gesnipperde geelperske-sambal: snipper die perske fyn, bedek liggies met ‘n vinaigrette of selfs ‘n bietjie van die druiwekonfytstroop en titsel borrie of kerrie.

{*Wynnotas}

Phizantekraal se Anna de Koning Chenin Blanc 2011 is die eerste Chenin Blanc uit die Durbanville wynstreek. Die pragtige ou-wêreldse wynetiket met sagte turkoois het eerstens my oog gevang, en toe het die gekonsentreerde vrug en heuningrige amandelgeure amper marsepeinagtig – my opgeval. Die wyn is in Franse eikevate verouder. Die wyn is besonders saam met die snoek en dit sny ook deur die botterige korrelkonfytsous. Heerlik, mens. Heerlik.

My dankies: aan Ronelle Brink van Groot Phesantekraal vir die wyn, die Chenin blanc korrelkonfyt en die pragtige ou opskepskottel. Dankie Anita vir die snoek-soek, Roxane vir die foto’s en vir Jacques Erasmus wat sy kosidees so ruimhartig deel.

2 Responses to “Snoek met amandelkors en druiwekonfytsous”

  1. Hildegardt Theron March 2, 2012 at 9:58 am #

    Sjoe, dit klink en lyk fantasties. Ek is besig om balsamic glaze te kook en luister so vir jou met die besonderse resep, dat die hele pot oorkook. Lekker taai gemors. Gaan hierdie volgende week probeer.
    Hildegardt

    • huiskok March 2, 2012 at 10:03 am #

      Hi Hildegardt, ek het amper die amandels bo-op die snoek laat brand omdat ek nie die stoof-wekker op 12 minute gestel het nie!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: