Witbrood en tuisgemaakte goue stroop

5 Jul

In die wyse woorde van Nic van Wyk, mede-beoordelaar van Kokkedoor: “Ek het al baie brood gebak, ek het ook al baie flops gebak, maar ek het nog nooit ‘n slegte tuisgebakte brood geproe nie.”

Goue stroop, 'n outydse tuisgemaakte lekkerte, is 'n goeie verskoning om brood te bak. (Foto Roxy Laker by Huiskok HQ)

Goue stroop, ‘n outydse tuisgemaakte lekkerte, is ‘n goeie verskoning om brood te bak. (Foto Roxy Laker by Huiskok HQ)

Kokkedoor, die deurbraak-kookprogram op Kyknet wat oor onthoukos handel, was vol outydse heerlikhede en natuurlik ook interessante moderne kinkels. Baie geluk aan Mynhardt Joubert en Tiaan Langenegger wat gewen het; asook vir naaswenners Ida Klopper en Theresa de Vries wat hulle ‘n goeie ‘run for their money’ gegee het!

aaa mooi broodjies IMG_7991

Hierdie is ‘n voorbeeld van hoe iets alledaags uit die ou dae vandag meer plesier kan gee as wat die moderne winkel met al sy geriefskos ooit kan doen.  Hoekom ek dit kies is omdat dit my so aan my ma laat dink, vir wie sagte vet en goue stroop op plaasbrood in haar kinderdae een van die lekkerste ding op die hele aarde was. Die broodjie is maklik om te maak en jy roer dit tot elasties, pleks van om te knie.

Kokkedoor-Witbrood met tuisgemaakte gouestroop

Vir die bakdag-piekniek episode het Ida Klopper en Theresa De Vries hierdie broodjie gebak. Winkelwitbrood kan nooit kers vashou by ‘n heerlike tuisgebakte broodjie nie.  Maak daarby jou eie goue stroop vir ’n ware onthousmaak.

Bestanddele

500 g witbroodmeel

1 pakkie kitsgis

50 g gesmelte botter + ekstra gesmelte botter om oor die brood te smeer vir glans.

5 ml suiker

5 ml sout

Ongeveer 300 ml sterk lou water of melk en water gemeng

Metode

Plaas alle droë bestanddele in ‘n groot mengbak. Voeg die botter by die louwater en roer die helfte van die mengsel by die meel.

Voeg die res van die water bietjie vir bietjie  by tot ‘n sagte elastiese deeg gevorm is..

Maak met kleefplastiek toe en laat rus op ‘n warm plek tot dubbel die grootte. Vorm ‘n brood en plaas in ‘n pan. Laat weer rys in die pan en bak by 200ºC vir 30 minute.

Smeer gesmelte botter oor vir glans.

Goue Stroop

Tuisgemaakte gouestroop is ‘n groot bederf. Jy kan self gourmet-gouestroop maak deur neute of sade daarby te voeg. 

Bestanddele

6 x 250 ml suiker

500 ml water + 250 ml water ekstra

5 ml kremetart

5 ml sout

 Metode

Plaas suiker, 500 ml water, kremetart en sout in ‘n kastrol en kook tot dit ‘n amber stroop vorm. Haal van die plaat af en voeg 250 ml koue water versigtig druppelsgewys by terwyl jy aanhou roer. As stroop afgekoel het, kan pistasieneute, haselneute, granaatpitte of ‘n vanieljepeul bygevoeg word.

 Kyk uit vir die Kokkedoor Kookboek wat September 2013 op die winkelrakke verskyn.

4 Responses to “Witbrood en tuisgemaakte goue stroop”

  1. Liezl August 15, 2013 at 3:22 pm #

    Tuisgemaakte goue stroop? Ek is nou vrek opgewonde! Het vriende in Pole wat SA toe gekom het vir ‘n slag, en dit is die een ding waaroor hulle die meeste nostalgies is.

    • huiskok August 15, 2013 at 3:23 pm #

      Laat weet hoe dit uitdraai, Liezl.

  2. Johan Zietsman July 5, 2013 at 11:10 pm #

    Hi Errieda, miskien is dit biki ongeskik om sulke liplekker goete te post hiri tyd vani aand. maar dit bly lekker!
    Ugh. my mond water!

    • huiskok July 5, 2013 at 11:51 pm #

      Ek sit self nou met ‘n lang lus.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: