Mango- en hoenderroerbraai

13 Jan

Sonder ‘n stewige wok hinke-pink mens maar deur die roerbraaigeregte.   ‘n Ware hardebaard-wok sal vir jou op die gasvlam ronddans, want dis ‘n pan met ‘n werkersiel.  As jy nie ‘n wok het nie, kan jy hierdie kleurvolle roerbraaislaai steeds met groot sukses maak.  En met mango nou in seisoen is daar nie ‘n beter tyd vir hierdie interessante roerbraai nie.


Maak 2 porsies

2 E canola-olie vir roerbraai

2 hoenderborsies in repies gesny

Gesnyde rooi ui

1/3 k wit wyn

1 knoffelhuisie

1 klein rooi brandrissie, fyngekap

1 klein mango, geskil en opgesny

handjievol geskeurde basielkruid en jong rocketblare

Verhit 1 E olie in die pan. Roerbraai die hoenderrepies sowat 2 minute of tot goudbruin. Skep die hoender uit. Voeg nog ‘n eetlepel olie in die pan en roerbraai dan die uie en soetrissie ook vir 2 minute – Voeg nou die wyn, knoffel en brandrissie by – laat dit opkook en voeg dan die gaar hoenderstukkies en mangostukkies by en braai verder.  Haal die pan van die plaat af en roer die basielkruid en rocketblare deur.

Foto: Simply lite food

5 Responses to “Mango- en hoenderroerbraai”

  1. Judy Mciver January 28, 2012 at 5:08 pm #

    Hallo Errieda,

    Het jy a’n rooi of groen soetrissie gebruik vir hierdie resep. Ek het van die foto afgelei dit was rooi. Maar jou bestandele lys sluit dit nie in nie.

    Ek maak dit vanaand, maar omdat ek in Chillie land (KZN) bly, gebruik ek twee brandrissies.

    Groete,
    Judy
    Howick

    • huiskok January 30, 2012 at 8:27 am #

      Hi Judy, rooi soetrissie gee ekstra kleur. Jy’s dapper met die twee brandrissies, maar dis wel so deel van ‘n suksesvolle roerbraai. Mango en brandrissie is ook fantastiese pasmaats – soos jy sal weet daar in KZN!

  2. Nicolene January 13, 2012 at 9:29 am #

    Ek is in die mark vir ‘n wok. Enige voorstelle?

    • huiskok January 16, 2012 at 12:28 pm #

      Nicolene, As dit by woks kom, hoef jy nie iets duurs aan te skaf nie: om die waarheid te se^, vermy die ‘big brands’ waar jy meer vir fancy ontwerp as vir werkverigting betaal. Ek het myne gekoop vir spotgoedkoop by ‘n Chinese winkeltjie. “Season’ hom net deeglik voor jy hom die eerste keer gebruik en hou dit geolie daarna. Vermy BESLIS woks met ‘n kleefvrye (teflon-tipe) afwerking – die afwerkings dop meestal gou op weens die hoë hitte.
      Woks werk ook net op ‘n gasplaat. As jy net ‘n elektriese plaat het, gebruik dan sommer ‘n enkel gasbrander op ‘n gasbottel – wees net versigtig, want dit is dalk lomp. Sorg dat jou pan baie goed warm is – en vermy olie met lae brandpunt soos olyfolie. Ek sluit ‘n web-link in waar jy meer oor wok-keuses kan lees. http://lifehacker.com/5554466/how+to-buy-a-wok-styles-materials-and-methods
      Errieda

      • Nicolene January 17, 2012 at 7:53 am #

        Jy is ‘n ster! Ek sal bietjie by China Town gaan loer – dalk kry ek daar die ware Jakob.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: