Sticky-van-lekkerte varknek uit die boek

18 Dec

Hierdie klewerige varknek gegeur met steranys, vars gemmer en aromatiese Chinese 5-speserye het sy ikoon-status verdien. Dis een van die gewildste resepte in die Huiskok Glanskok kookboek – vir goeie rede.  Min voorbereiding is nodig en dit smaak verruklik.

Die vleis tuimel sommer om homself in, so sag en sappig is dit.

Die vleis tuimel sommer om homself in, so sag en sappig is dit.

Snip snip die toutjies, sny in skywe en eet. (foto deur Samarie Smith vir ons boek Huiskok Glanskok)

Moets liefs nie kortpaaie vat en sommer van die bestanddele uitlos nie. Elkeen is daar met ‘n doel. En dis dalk nou die ideale kans om by ‘n Chinese spesialiteitswinkel te gaan snuffel vir goed soos Chinese kookwyn. As jy nie die Chinese 5-speserye by ‘n betroubare handelaar kan kry nie (vra ook by Woolies) kan jy jou eie ook maak.

Reg om gesny te word.

Reg om gesny te word.

Klewerige Varknek

Die resep kom egter met ‘n waarskuwing: jou huismense en kuiermense gaan daarop aandring dat jy dit al om die ander dag maak, so lekker is dit.

Maak 4-6 porsies

Een ontbeende varknek

1 vars gemmerknobbel, gesny in dun ringe (nie nodig om te skil nie)

3 groot knoffelhuisies, gekneus

1 rooi brandrissie, gehalveer

4 steranys

125 ml bruinsuiker

250 ml Chinese kookwyn (Shaoxing) of vervang met droë sjerrie wat 1/5de met water verdun is

125 ml oestersous

5 ml Chinese 5-speserye mengsel*

Verhit oond tot 180⁰C. Plaas vark, gemmer, knoffel, rissie en steranys in ‘n diep, swaarboom oondpan met ‘n deksel wat stewig pas. Roer suiker, kookwyn, oestersous en vyf-speserye in ‘n bakkie saam en roer tot suiker opgelos het. Giet dit oor varknek en sit deksel op. Bak 2 ure (draai die vleis na ‘n uur om). Verhoog hitte na 200⁰C, bak nog 30 minute of tot vark sag is en die sous klewerig. Haal deksel af, skep sous oor en bak oop vir nog 15 min. Haal Vleis uit sous en los eenkant om te rus. Kook die pansous af tot lekker taai. Sny vleis in dun skywe, bedien op ‘n warm vleisbord en gooi pansouse bo-oor.   Lekker saam met jasmynrys en groenbone  of broccoli.

*Skep jou eie 5-speserye-mengsel:

Gebruik gelyke hoeveelhede:

mengsel 1: anyssaadjies of steranys, vinkel, kaneel, swart peperkorrels en heel naeltjie.

OF

mengsel 2: fyn gemmer, kaneel, neutmuskaat, wonderpeper en swartpeper.

Maal dit in stamper en vysel of elektriese meul. Gebruik heel speserye vir beste smaak.

6 Responses to “Sticky-van-lekkerte varknek uit die boek”

  1. Foodie August 1, 2015 at 9:00 am #

    Hierdie is ‘n identiese weergawe van Donna Hay se resep…..wonder wie het dit by wie geleen….

    • huiskok August 1, 2015 at 9:38 am #

      Dis einste Donna wat die resep ikoonstatus gegee het. Heerlik verby en Ek torring met niks. Dis met die 5 speserye wat Ek aanmaak volgens my Eie smaak.

      • Foodie August 1, 2015 at 10:47 am #

        Wel, na ure se soektog na ‘n soortgelyke oosterse varknek resep blyk dit voorwaar of hierdie resep ikoonstatus bereik het. Daar is feitlik geen ander! Komaan Huiskok, dink vir ons nog ‘n resep uit!

      • huiskok August 1, 2015 at 3:11 pm #

        waarvoor is jy lus? Daar is ‘n magdom resepte wat met die taai of karamelbeginsel werk met ‘n Oosterse inslag. Jy kan resepte geskik vir porkbelly ook vir nek gebruik. Die Chinese red-braise metode gee jou ook min of meer dieselde effek.

  2. Wanda Seddon January 12, 2015 at 7:57 am #

    Eks allergies vir seekos,waarmee kan ek oestersous vervang? Dankie.

  3. huiskok January 11, 2015 at 7:17 pm #

    Reblogged this on huiskok.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: