Gryp-gryp, meng-meng …. Gado gado!

18 Nov

"Gemeng-gemeng" of te wel gado gado. Samarie Smith het die foto vir ons boek Huiskok Glanskok geneem

My kuiermense kan maar weet – hierdie somer eet hulle by my ‘n mengslaai van ‘n ander aard. Gado-gado is een van die Indonesiërs se mees tradisionele geregte – en met baie goeie rede. Daar’s min slaaie wat so gasvry en mededeelsaam is. Dit lyk deksels mooi en proe uit ‘n ander wereld.

Wat die slaai van rou en gaar groente so spesiaal maak is die grondboontjie sataysousie wat oorgegooi word of in ‘n aparte bakkie as doopsous bedien word.  So lief is ek daarvoor dat ek dit ingesluit het in ons Huiskok Glanskok kookboek.

Gado-gado beteken gemeng-gemeng, en dis presies wat gebeur. Tradisioneel sit die gaste  om die bak en meng ‘n verskeidenheid van die klaarbereide bestanddele in ‘n slaaiblaar en doop dit in die geurige satay. Die bestanddele word gewoonlik nie deurmekaar gemaak nie en in hopies langs mekaar gepak sodat die gaste hul slaaiblaarbondeltjies makliker kan maak. Maar jy kan maak soos jy lekkerkry – meng dit liggies deurmekaar of pak dit kunstig uit.

Die hoender kan vervang word met gebraaide garnale of repies gaar steak. Op Meatless Mondays kan jy seker tofu gebruik as jy in die Oosterse gees wil bly.

Ek sit dit voor in ‘n lang houtbak – van hierdie wat jy dikwels vroue met pragtige Afrika kopdoeke langs die pad sien verkoop.  Vir ‘n groter groep gaste pak ek dit op ‘n groot ou antieke skinkbord uit.

En as jy nou werklik wil uithang en jou huismense en gaste na smaak-nirvana wil vat, sit dit voor met gestoomde jasmynrys, krupuk (‘prawn crackers’), bruingebraaide uie en suurlemoen- of lemmetjiewiggies. Dis presies wat ek hierdie somer gaan doen.

Gado Gado  

Lewer 4 – 6 porsies

Slaai:

500 g hoenderdye, ontbeen (of vellose hoenderfillete in repies)
30 ml sojasous
5 ml gerasperde gemmerwortel
5 ml knoffel, fyngekap
sap van 2 lemmetjies of 1 suurlemoen

olie vir vlakbraai

2 middelslag-soetpatats, geskil en in blokkies gesny

8 baba aartappels, gehalveer
200 g groenboontjies
250 ml boontjiespruite
2 komkommers, in skywe gesny

Kersie-tamaties

4 hard gekookte eiers, in wiggies gesny

60 ml grondbone, gerooster
60 ml vars koljanderblare, grof gekap

Sny die hoender in repies en plaas in ‘n bak saam met die sojasous, gemmer, knoffel en lemmetjie- of suurlemoensap en marineer 1 uur lank. Verhit ‘n bietjie olie in ‘n pan en braai die hoender 2 tot 3 minute aan elke kant. Kook intussen die aartappels en patat tot sag, sowat 10 minute.

Blansjeer die groenboontjies in kookwater en dreineer. Pak die  groente,  vleis en eiers in hopies uit.   Indien verkies kan jy die bestanddele – buiten die vleis en eiers – eers liggies deurmekaar maak en laastens die vleis en die eiers bo-oor pak. Giet die satay sous oor (of sit in aparte bakkie) en besprinkel met neute en koljander.

sataysousie

Sataysous:

200 ml laevet klappermelk
125 ml growwe grondboontjiebotter
1/2  klein ui, gerasper
15 ml sojasous
10 ml bruinsuiker
3 ml droë rissievlokkies

Voeg al die bestanddele in ‘n swaarboom kastrol en bring stadig tot kookpunt. Prut 5 minute  oor matige hitte; roer af en toe. Hou die sous eenkant tot nodig.

Opdiening

Sit dit voor met gestoomde jasmynrys, krupuk (‘prawn crackers’), bruingebraaide uie en suurlemoen- of lemmetjiewiggies.

6 Responses to “Gryp-gryp, meng-meng …. Gado gado!”

  1. Marius March 10, 2012 at 2:09 pm #

    Hi Errieda
    Jy moet Mev. Eksteen kontak vir haar huis resepte.
    Jy kan haar kry by loot@zulucom.net

    Groete
    Marius

  2. Kobie Swart November 25, 2011 at 9:34 am #

    Ek is KOS OPGEWONDE as ek van ‘n resep hoor. Ek is mal oor kook en bak. Dankie vir julle raad en gesels en mens laat kwyl van lekker kry oor jul idees. (Kwyl kom uit die noordkaap spreektEk lees nou op jou blog dat Elaine kaaskoekresep soek. Ek gaan vir jou twee stuur, albei groot gunsterlinge onder my vriende.

    Kan ek iets voorstel? Lees of herhaal jul resepte wat jul Vrydagogg oor RSG gee met adresse vir die ouens wat nie rekenaars het nie.

    Upington groete

    Kobie Swart

    • huiskok November 25, 2011 at 10:51 am #

      baie goeie voorstel Kobie. Mens dink almal leef elektronies soos ons met die selfone, emails en internet-toegang.

  3. Elaine Brand November 18, 2011 at 11:15 am #

    Hmmm ! Lekker, veral vir die warm somerdae .. Gaan dit beslis probeer. Ag , en het jy nie dalk ook ‘n resep vir ‘n soutige kaaskoek, iets met maaskaas en gerookte forel en komkommer of iets in daardie lyn vir die feesdae nie ? Sal so bly wees ! Groete uit Bfn , Elaine

    • huiskok November 18, 2011 at 3:17 pm #

      Hi Elaine, dankie dat jy ingeloer het. Hou gerus die blog dop vir iets lekkers vir die feesdae – ek sal deur my gunstelinge kyk en daaroor skryf.
      Errieda

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: