Tag Archives: kaas

Mooi en nuutgemaak: souttertjies / feta en biltong eclairs

13 Aug

Kom oms gee ou bekendes van die bordjie sout ‘n bak-Botox.

image

Die gebruik om ‘n bordjie eetgoed na ‘n kerk- of gemeenskapsbyeenkoms te neem is ‘n tradisie wat spruit uit ‘n tradisie van inspring en jou deel te doen. Dis die happies wat die tafels laat kreun vir vrolike affêres soos die kerksaal se inwyding, hartlike familiegeleenthede, of die hartseer van ’n begrafnis te salf. Jy bring ‘n bordjie vir die biduur en twee vir welwillendheid.

Niemand word voorgesê wat om na die tafel te bring nie en by sulke geleenthede verwag mens ook nie iets uitspattig of eksoties nie, eerder ‘n verskeidenheid van bekende smake.

Hierdie twee mooi-getooide southappies uit die Koekedoor 2 bakboek is die outydse souttert en sout soesies (kaas eclairs van choux deeg) in ‘n nuwe gedaante.

TANNIE HENNAH SE MOOI SOUTTERTJIES
Maak 12 klein tertjies

Nostalgie en rooipeper is die beste geurmiddel, reken die skoonheidsghoeroe Hannon. Sy tannie Hennah se souttert is sy gunsteling. Afhangende of jou bloeddruk die dag laag of hoog is gooi jy minder of meer rooipeper in die kors.

(Koekedoor Wessels van Vuuren het  die souttertjies so mooi gemaak dat hy ‘n Kenwood gewen het.)

Souttertkors vir doppies

500 ml cheddarkaas, fyn gerasper
125 g koue botter
250 ml meel
Sout
2,5 ml rooipeper

• Voorverhit oond na 180 °C.
• Sif meel, sout en rooi peper saam. Rasper botter in en voeg gerasperde kaas by. Meng deurmekaar. Voer die holtes van ‘n 12-holte mini-muffinpannetjie uit met die deeg (daar kan dalk deeg oorbly).
• Bak die doppies leeg tot goudbruin en gaar.

Souttertvulsel

500 ml volroommelk, warm
50 ml koekmeel
50 ml botter
Sout en peper
180 g streepspek, fyn opgekap
30 ml fyn gekapte ui
3 eiers + 1 ekstra eiergeel, geklits
330 ml sterk Cheddarkaas, gerasper
3 Weense worsies, in dun ringetjies gesny en verder in kwarte gesny
10 ml pietersielie, fyngekap
Sout en peper na smaak

• Maak die witsous: in ‘n medium kastrol, smelt die botter, voeg die meelblom bly en roer. Voeg die warm melk by en roer tot dit klontvry is en die witsous gaar is.
• In ‘n pannetjie, braai die spek en die uie tot gaar. Roer dit saam met die res van die vulselbestanddele by die witsous in.
• Skep die mengsel in ‘n gesmeerde medium oondbak (16 cm x 25 cm) en bak by 180°C tot gaar en gestol, sowat 35-40 minute. Koel af.
• Druk of sny fatsoene uit die souttert en plaas op die doppies. Garneer met mikrokruie.

image

PARMESAAN ECLAIRS MET BILTONG-EN GEKLOPTE FETA 

Een-happie sout eclairs, versier om soos eetbare juwele te lyk is vuurwarm modenuus uit Parys. Ek het hierdie  resep met byderwetse vulsel van geklopte feta en fyn biltong  ontwerp vir Rolene Strauss, Mej Wêreld 2014 en gas van Koekedoor 2 se openingsepisode.

100 g botter, in blokkies
150 ml kookwater
2 ml sout
Knypie droë mosterd
Stewige knypie rissiepoeier of cayenne
70 g meelblom
2 groot eiers
60 g gerasperde Parmesaan-kaas verdeel: ¾ vir die beslag en ¼ vir oorstrooi.

• Voorverhit oond na 220°C. Smeer ‘n bakplaat of plaas Silpat daarin.
• Smelt die botter in die water, saam met die sout, mosterd en rissiepoeier en laat opkook. Roer meelblom by, verhit en roer vinnig totdat die mengsel loskom van die kastrol se kant.
• Laat sowat 2 minute afkoel en roer die eiers een-een by en roer vinnig totdat die mengsel glad is. (Die stap kan in ‘n voedselverwerker of elektriese menger gedoen word.) Voeg ¾ van die kaas by en roer tot goed gemeng.
• Skep die beslag in ‘n spuitsak met ‘n spuitpunt van jou keuse en spuit eclairs vorms op die bakplaat of Silpat tot die deeg op is. (Jy moet 24 klein eclairs voorsit).
• Bak vir 10 minute by 220 °C, en verminder die hitte tot 180 °C en bak nog sowat 15 minute lank tot goudbruin en deurgaar.

Geklopte feta- en fyn biltongvulsel

250 ml feta, kamertemperatuur
125 ml roomkaas
75 g fyn biltongpoeier
10 ml vars pietersielie
10 ml Dijon mosterd
Brandrissie na smaak (ontpit, membraan verwyder, grofgekap)
15 ml suurlemoensap of na smaak
Gerasperde skil van 1 suurlemoen

• Verwerk die bestanddele in die bak van ‘n voedselverwerker en pols op hoog tot glad. Roer nog biltongpoeier by indien te slap en geur vir regte sout-suur-balans. Die mengsel sal stywer raak in die yskas. Skep in spuitsak en verkoel tot benodig.

Balsemiek-asynreduksie

250 ml balsamiesasyn
65 ml bruinsuiker
Brandrissie, na smaak

• Plaas die bestanddele in ‘n klein kastrol en kook stadig af terwyl jy gereeld roer. Die stroop is loperig terwyl warm, maar taai as dit koud is. As dit hard raak, roer net bietjie water by. Drup in mooi patrone of strepe oor die eclairs.

Errieda du Toit is die skrywer van Koekedoor 2 wat uitgegee is deur Human & Rousseau in samewerking met kykNET. Die rakprys is R300.

Macaroni en kaaskoek

13 May

Die herfsdae kan mens se seisoenklok deurmekaar gooi. Dit kon gister net sowel ‘n lentedag gewees het in ons tuin. In hierdie brugseisoen – nog nie koud, maar nie meer warm nie – maak ons graag macaroni en kaas. Ian hou vas met rooi oondhandskoene halflyf Vir hierdie besonderse kykie na ‘n ou trooskos-gunsteling trek ek drie kase nader … en ‘n koekpan vir  ‘n macaroni- en-kaas-koek. ‘n Nuwe ervaring vir my.  My man was so nuuskierig dat hy self ook ingespring het om dit te maak. Die ricotta speel ‘n hoofrol in die mac-en-kaaskoek, wat  ‘n goeie aansporing was om my eie ricotta te maak. Saam met die parmesaan en fontinakaas vul tuinertjies, piepklein blokkies ham, hope kruisement, pietersielie en rocket die geure verder aan.Kaaskoek op houtbord op sleeper hout top shot Die hipnotiese geure van smeltende kaas en die vrag vars kruie is klaar genoeg rede om dit te maak, om verder betower te raak deur die blobs suurlemoen-ricotta uit jou eie hand. koek op houttafel houtbord mooi kantaansig MACARONI- EN KAASKOEK Bedien 6  

  • ¼ k (60 ml) botter en ekstra om die koekpan te smeer
  • 1/3 k PLUS 1 ½ k gerasperde parmesaan
  • ¼ k koekmeel
  • 4 k volroommelk
  • 1 k gerasperde fontina kaas (kan ook cheddar of gouda gebruik)
  • 1 groot eier
  • Sout en peper
  • 600 g penne pasta (rigato – wat beteken dis gerib met strepies wat meer sous opvang)
  • 1 k ertjies (vars of bevrore)
  • 2 k rocket, grof gekap (kan met jong spinasieblare vervang word)
  • 1 k pietersielie, grofgekap PLUS 2 E ekstra vir oorgooi
  • ½ k vars kruisement, grofgekap PLUS 2 E ekstra vir oorgooi
  • 1 k ricotta gegeur met skil van ½ suurlemoen, indien jy gekoopte ricotta gebruik
  • 200 g ham,  klein blokkies gesny (sowat .5 cn x .5 cm)

(resep vir tuisgemaakte ricotta volg onder)

Metode

Berei die koekpan voor. Smeer ‘n 20 cm losboomkoekpan se kante en bodem met botter en bestrooi met 1/3 k parmesaan.

Maak die kaassous: In ‘n groot kastrol, smelt ¼ k botter in kastrol oor matige hitte, voeg die meel by en roer vir 2 minute. Klits die melk geleidelik by en kook tot dit begin prut (terwyl jy roer). Verlaag die hitte en laat sowat 20 minute stadig koek tot dit begin verdik (dis egter nie op hierdie punt ‘n dik sous nie). Haal van die hitte af en roer die fontinakaas en 1 k parmesaan by. Geur met sout en peper, bedek en hou eenkant.

Plaas die oondrak in die derde boonste helfte van die oondpan en voorverhit oond na 190°C. Kook die pasta in ‘n groot kastrol in goed-gesoute water, roer net nou en dan tot amper gaar (dit kook verder in die oond gaar).  Gooi die ertjies by en roer net een keer deur. Gooi die pasta en ertjies deur ‘n vergiettes en gooi terug in die pan. Roer die witsous by, al die rocket, 1 k pietersielie en ½ k kruisement. Roer tot net goed gemeng. Pas geursel aan.

Skep die helfte van die pasta-mengsel in die voorbereide koekpan. Strooi helfte van die ricotta in lepelstjievol oor en die helfte van die hamblokkies. Skep die res van die pastamengsel bo-oor.  Skep lepeltjies van die laaste ricotta oor en bedek met ¼ k parmesaan. Bak 30 minute, sprinkel die laaste  ham en ¼ k parmesaan oor en bak nog 10 minute tot goudbruin. Laat rus in die pan vir sowat 30 minute en maak dan die kante los. Strooi 2 E elk van die pietersielie en kruisement oor..

Bedien in wiggies met ‘n eenvoudige blaarslaai en gekapte kersietamaties. Tamatiesous ‘n moet!.

Wenk: die gereg kan in ‘n gewone oondbak gaargemaak word, dan is dit egter nie nodig om 30 minute te wag vir opdiening nie.

Bron: Die resep is aangepas uit Bon Appetit. Ian in tuin met mac kaaskoekTUISGEMAAKTE RICOTTA   Puriste sal dit moontlik nie as ware Italiaanse ricotta beskou nie, maar ek kan jou waarborg dat dit steeds ligjare beter is as die winkel-kaas wat as ricotta verkoop word. Vir ekstra rykheid kan dubbelroom bygevoeg word, alhoewel so ‘n ryk kaas nie nodig is vir die mac-en kaaskoek nie.ricotta collage Bestanddele

  • 4 k (1 l) vars volroommelk (nie langlewe-melk nie)
  • ¼ k (60 ml) wit wynasyn – kan ook vars suurlemoensap gebruik
  • ½ tot 1 t fyn sout (opsioneel)
  • Skil van 1 klein suurlemoen

Verhit die melk oor medium-lae hitte tot 80°C. Voeg die asyn en die sout by en kook terwyl jy roer tot 85°C. Haal van die plaat af en laat staan eenkant tot die wrongel vorm. Indien nodig kan jy nog ‘n bietjie asyn of suurlemoensap bysit om die wrongel aan te help. Gooi dit deur ‘n moeseliendoek en laat afdrup. Hoe langer dit hang, hoe droeër sal die ricotta wees. Behou die wei, wat in gebak, slaaisouse en vele ander dinge wat ons nog saam kan uitdink. Wenk: die ricotta is baie veelsydig. Dis veral lekker met heuning, vye, gestoofde vrugte. WENKL vir ‘n baie omvattende blogstorie oor macaroni en kaas, en hordes idees en resepte besoek my ander storie by hierdie skakel https://huiskok.com/2014/04/30/macaroni-en-kaas-een-van-die-wereld-se-7-koswonders/

Op so 'n mooi herfsdag wil mens in die tuin wees - ons het selfs die kos in die buitelug afgeneem.

Op so ‘n mooi herfsdag wil mens in die tuin wees – ons het selfs die kos in die buitelug afgeneem.

Herinneringe in ‘n skoolkosblik en ‘n saadbroodjie vir selfbak.

7 Jan

As jy ‘n klomp grootmense hier net na die Nuwe Jaar se jollifikasie ‘n kol op die maag wil gee, praat oor die ‘back to school’ gevoel wanneer die skooljaar weer begin. In dieselfde asem, as jy oor skooldae se kosblik, pouse en toebroodjies praat is die meeste mense weer aan die glimlag.

Die begin van 'n toebroodjie met my gunsteling saadbroodjie.

Die begin van ‘n toebroodjie met my gunsteling saadbroodjie.

Onlangs vertel ‘n FB-vriendin, Hannelie van der Merwe Myburgh van haar kosblik met die prentjie van ‘n dogtertjie en twee katjies op. Die meeste van die tyd was daar bontbul op die broodjie – hulle familiewoord vir sagte skaapvet gemeng met hulle eie bye se heuning.  Dit was haar werk om die bontbul aan te maak – sy kan duidelik die erde-emmertjie met die swart deksel en draadhandvatseltjie onthou waarin dit gebêre is. Toe het sy haar neus opgetrek.

Oorskiet het dikwels op die volgende dag se brood beland: van oorskietaartappels tot dit wat oorgebly van die vorige aand se tamatie en uie slaai, gegeur net met sout en peper.  Tannie Poppie Coetzer deel met my hoe soos gister kan onthou hoe haar ma se toebroodjies van ligte bruinbrood, gevul met koue boontjies en aartappels en rou uie daarop met heelwat peper, of koue frikkadelle met rou uie geproe het.

Lekker toebroodjies het ook die ruilwaarde daarvan op die speelgrond verhoog.

Kosskrywer Sophia Lindop vertel:  “my ma het elke dag brood gebak en ons het die heerlikste toebroodjies gekry met koue lamsboud  wat oor was van Sondag, saam met Mrs HS Ball’s chutney en kraakvars blaarslaai uit haar tuin. Ek kon nie wag om dit uit te ruil met my niggie nie, want sy’t Provitas met smeerkaas en Marmite gekry wat jy kon uitdruk om geel en swart wurmpies te maak. Wat ek nou sou wou gee vir daai toebroodjies!”

Ander het hulle so uitgekuier dat hulle steeds vandag nie polonies en sandwich spread kan hanteer nie. Party onthou met deernis die grondboonbotter en stroop (soms met piesang), en ander wil weer nie hul lippe daaraan sit nie.

Skrywer Nelia Viviers was verknog aan haar appelkooskonfyt- en kaas toebroodjies, maar o, tog net nie rooi jêm nie!  Ansu le Grange se ma het nog brood in ‘n koolstoof gebak en die lekkerte het in die kosblik beland – varsgebakte brood, plaasbotter en tuisgemaakte konfyt. “Teen pouse het die appelkooskonfyt al so bietjies-bietjies in die brood ingetrek.”

Kokkedoor Lorraine Swanepoel onthou die keurige kospakkies van gekookte eier en mayonnaise waarom sy wye draaie geloop het want al die skoolkinders sou jou terg oor die hmmm windmakerigheid wat sou volg. Sy het wel die piesangbrood-toebroodjies baie geniet. So ook die verrassing van ‘n buisie kondensmelk in die kosblik.

Liza Louw vertel: “My kosblik was so ‘n reghoekige blikkie met ‘n los deksel. Dit het ‘n pragtige Noag-en-ark-met-diere toneel op gehad. Ek dink dit het oorspronklik vol Wilson toffies in my lewe gekom. Wanneer ‘n mens die deksel met speeltyd opgelig het, het die papierdun skywe van Sondag se geroosterde boud daaruit opgewalm met ‘n hemelse geur. Ma se liefde het so geruik. Dit is lêgemaak tussen haar netjiese gebotterde broodsnye tussen fyngekerfde slaaiblare. Ma het my (en Pa se) toebroodjies in kwarte gesny en stewig toegedraai in waspapier voordat dit in die kosblik gepak is.

Die skooltoebroodjie van my herinneringe. Vandag steeds my gunsteling.

Die skooltoebroodjie van my herinneringe. Vandag steeds my gunsteling.

Wat in die kosblik beland het, was ook dikwels ‘n aanduiding van die huis se kontantvloei. “Soms was die broodjies maar dun,” onthou my kleinnig Anne-Marie Oliver. “Ek onthou my Ma se appelkooskonfytbroodjies. Dit was soos ‘n warm kombersie op ‘n koue aand. As ons die dag “french polony” en Mrs Balls gekry het, het ek geweet dit gaan beter in die geldblik. My beste – tot vandag nog – witbrood met roereier en wit peper. ”

Toe ek ouer word het ons naby skool gewoon, vertel sy verder. “ My Ma het so 10 uur geroosterde kaasbroodjies op die Aga se plaat gemaak dan het ons pelle gou pousetyd gaan eet! Wonderlike sterk cheddar – my liefste Ouma Anna het by Wellington Fruit Growers se kaastoonbank gewerk! “

Vandag doen ma’s steeds moeite – nou wel nie meer met sagte vet en oorskietbredie nie, maar sekere dinge bly dieselfde soos Alida Ryder, skrywer en ma van 2 jong kindertjies vertel:  “My kinders kry ‘n peanut butter en stroop of bovril broodjie, ‘n yoghurt, vrugte rolletjie, vars vrug, baba tamaties en so nou en dan ‘n pakkie koekies of salticrax. Dan kom die broodjie, yoghurt en appel gewoonlik terug.”

Vickie de Beer, kosredakteur van Rooi Rose maak deesdae vir haar seuns wraps, omdat dit so ‘n maklike manier is om oorskietkos as vulsel te gebruik. “Hulle geniet ook die jaffels met maalvleisvulsel, en so ook volgraanworsrolletjies – en altyd ‘n groot bottel water.”

Die lekkerste toebroodjie vir my? Vars volgraan-saadbrood met soutbotter, die krakerigheid van outydse kropslaai en komkommer, gerasperde cheddar en tamatie goed gelooi met sout en peper.  (Dis nou as daar nie koue skaapboud oor is van Sondag nie).

Haal saam met my die mengbak uit. Ek gebruik hierdie broodresep:

Die bak van saadbrood is 'n klein seremonie in ons huis.

Die bak van saadbrood is ‘n klein seremonie in ons huis.

SAADBROOD

Die saadbroodjie uit die 1970’s word wêreldwyd as eg-Suid-Afrikaans beskou. Dit word met ‘n baie slap deeg gemaak en nie geknie word.  Dis die lekkerste varsgebak, maar hou ‘n paar dae as dit in bruinpapier gesit word of met ‘n skoon teedoek toegedra word. Dit rooster baie lekker.

Bestanddele:

500 ml+ warm water (kan sowat 100 ml ekstra bysit as beslag te droog is)

15 ml bruinsuiker of heuning

15 ml molasse (jy kan meer molasses bysit vir ‘n dieper kleur)

15 ml olie

4 x 250 ml (4 k) volkoring meel (Nutty Wheat)

1 k (250 ml) witbroodmeel

10 ml kitsgis

7 ml sout

100 ml sonneblomsade

Ekstra sade vir oorsprinkel: sonneblomsade, sesamsade, pampoenpitte, lynsaad

Metode:

  • Meng die meel, sout, kitsgis en sonneblomsaad saam in ‘n ruim mengbak.
  • In ‘n groot maatbeker roer die olie, bruinsuiker en molasses by die louwater in. Roer die watermengsel by die meel in om ‘n slaap deeg te vorm.
  •  Smeer ‘n groot broodpan met olie of kleefvrye sprei en skep die mengsel in die pan. Strooi die sade in rytjies bo-oor of sprinkle sommet net so. Laat rys in ‘n warm plek met ‘n doek oor vir sowat 45 minute tot ‘n uur.
  •  Terwyl die brood rys, voorverhit die oond tot 190°C.
  • Bak vir 50 minute.  Keer uit en laat afkoel. As die brood nie maklik uit die pannetjie kom nie, laat dit ‘n paar  minute in die pan staan om los te stoom.
Hierdie keer het ek sonneblaadsaad, swart sesam- en nigellasaad in rytjies gegooi - ander keer sommer net oorgestrooi - selfs pampoenpitte.

Hierdie keer het ek sonneblaadsaad, swart sesam- en nigellasaad in rytjies gegooi – ander keer sommer net oorgestrooi – selfs pampoenpitte.

Oondgebakte gevulde uie sonder die trane

2 Jul

Dis ‘n groente wat ons laat huil en ons kos laat lag. ‘n Ondergrondse knol wat altyd die ondersteunende rol speel, eerder as om koning te kraai; en die groente wat die meeste op aarde gebruik word, en in elke kookkuns. Begin die meeste resepte nie juis met ‘skil die uie’ nie?

Uie in my koperbak.

Uie in my koperbak.

So begin die boek Like Water for Chocolate van Laura Esquivel met die openingsreel  ‘Take care to chop the onion fine’. Die hoofkarakter  Tita word in trane gebore, tussen die kokery en die uiskillery deur. So baie is daardie dag gehuil  dat daar genoeg sout op die klipvloer opgevee is om ‘n tien pond sak te vul.  Hier is ‘n uittreksel uit die magiese  openingshoofstuk:

“PREPARATION: Take care to chop the onion fine. To keep from crying when you chop it (which is so annoying!), I suggest you place a little bit on your head. The trouble with crying over an onion is that once the chopping gets you started and the tears begin to well up, the next thing you know you just can’t stop. I don’t know whether that’s ever happened to you, but I have to confess it’s happened to me, many times. Mama used to say it was because I was especially sensitive to onions, like my great-aunt, Tita.”

(‘N Verdere deel van die boek se begin, en die magiese uie-huilery, onderaan die inskrywing)

My gevulde uie wat wolwefluite gekry het.

My gevulde uie wat wolwefluite gekry het.

Die uigereg wat ek jou van wil vertel is nie ‘n tranetrekker nie, want net die papierdroog skil word  afgehaal en die uie heel gekook. Dus, geen trane. Baie lekkerte. Ek het juis hierdie naweek die skottel bruingebakte uie met groot trots tafel toe gedra. daar was ‘n paar wolwefluite van die manne se kant af – nie vir my nie, maar vir die uie wat so pronkerig vertoon.

Heel oondgebakte uie, gevul met sampioene, spek en kaas

Bestanddele

  • 6 groot uie, geskil, met worteldeel heel gelaat
  • 40 gm botter, vir braai (plus 7,5 ml olyfolie/saadoliemengsel as jy wil keer dat die botter brand)
  • 50 gm pancetta of gerookte ontbytspek, fyngekap
  • 4 groot bruinsampioene, fyngekap
  • 25 gm gedroogte porcini, 5 minute in warm water geweek, water uitgedruk en dan fyngekap
  • 2 knoffelhuisies, fyngekap
  • 60 gm dik room of suurroom vir vulsel + 250 ml klitsroom (pouring cream) vir oorgooi
  • 60 gm fyngerasperde harde kaas, soos parmesaan, pecorino of Gruyère plus ekstra vir oorstrooi
  • 50 gm vars growwe broodkrummels
  • 7,5 ml vars gekapte tiemie plus ekstra takkies vir bediening
  • Fyngekapte skil van 1 suurlemoen

    Reg om oond toe te gaan.

    Reg om oond toe te gaan.

Metode

  • Kook uie in groot kastrol oor lig-kokende soutwater tot sag vir sowat 20-30 minute afhangende van hoe groot die uie is. Dit moet sag wees,  maar nie uitmekaar val nie. Dreineer.
  • Koel af tot jy die uie kan hanteer sonder om jou vingers te verbrand en sny die bokant van die uie af – sowat 2 cm stuk – dit gaan die deksel vorm wat jy later gaan terugsit op die gestopte uie.
  • Met ‘n klein skerp messie, sny nou versigtig ‘n holte uit die binnekant van elke ui. Hol die ui verder uit sodat net ‘n dik dop oorbly. Moenie gate in die dop steek nie. Behou sowat 1/3 van die uie wat jy uitgehol het, kap dit fyn en hou dit eenkant om later in die vulsel te gebruik.
  • Verhit die oond tot 180C. Verhit die botter in ‘n pan oor medium hitte en voeg die gekapte uie, pancetta of spek, sampioene, porcini en knoffel by en soteer in die pan tot sag, sowat 10 minute. Skep uit in ‘n bakkie en laat mengsel afkoel. Voeg nou dikroom, fyngerasperde kaas, broodkrummels, tiemie en suurlemoenskil by. Geur na smaak en skep in die uitgeholde uie. Sit die uiedeksels op.
  •  Plaas die gevulde uie in ‘n oondbak, sodat hulle lekker snoesig teen mekaar staan, gooi die room oor en strooi tiemietakkies oor. As daar vulsel oorgebly het kan jy dit tussen die uie dot. Bak tot goed bruin, sowat 50 minute.
  • Opsioneel: strooi ekstra kaas oor tien minute voor dit klaar gebak is. Bedien warm.

So karamelliseer ek uie:

  • Gebruik 2 groot bruin uie, in dun ringetjies gesny (probeer dit eweredig of met ‘n mandolien sny).
  • Verhit 2 eetlepels olyfolie in ‘n pan en voeg die uieringe en ‘n knippie sout by, verlaag die hitte en soteer sowat 30 minute tot sag en goudbruin terwyl jy nou en dan ‘n roer gee. Moenie haastig raak en die hitte verhoog nie. Die uie kan maar effe bruin word op plekke, maar nie te swart nie anders proe dit bitter. Geur met sout en peper.
  • Vir variasie en ‘n taaier mengsel: sodra die uie sag en effe goudkleurig raak (dis so na 20 minute) voeg 25 ml bruinsuiker en 15 ml balsamiese asyn by en kook verder tot taai en gekaramelliseer vir nog 10-15 min.

So braai Moro uie bros:

Sam en Sam Clark van Moro se metode is ‘n treffer, maar gebruik heelwat olie en moet liefs in twee sarsies gedoen word om te verseker dat die uie bros en krakerig braai. Bedien dit oor lensies of rys, of op hamburgers en selfs aartappelslaai.  Om 2 groot uie te karamelliseer, verhit 300 ml sonneblomolie in ‘n groot braaipan of kastrol. Sodra goed warm, gooi die helfte van die fyngesnyde uie in die pan, en braai oor medium hitte tot mahoniebruin. Skep met gaatjieslepel uit, plaas op kombuispapier om te dreineer en herhaal die proses. Die orige olie kan herwin word, maar onthou dat dit nou sterk na uie smaak.

‘n Ander metode wat die Nasionale Uieraad van die VSA aanbeveel:

  • Halveer en sny die uie in ringe. Spuit die pan se bodem met kleefvrye sprei, kook dan die uie met 15ml olie vir sowat 20-25 minute teen medium-lae hitte. Geur. As dit begin vassit, gooi ‘n klein hoeveelheid water by sodat dit losstoom. Die uie sal tot 5 dae in die yskoud hou.

    Uieringe by een van die groot uiefeeste wat in die VSA gehou word - Hoekom nie ons ook nie?

    Uieringe by een van die groot uiefeeste wat in die VSA gehou word – Hoekom nie ons ook nie?

Gebraaide uieringe}

  •  Sny 3 uie in 1 cm ringe, maak die ringe los van mekaar en plaas in mengbak, voeg 250 ml karringmelk by en laat staan vir 30 minute.
  •  Maak ‘n karringmelkbeslag aan: plaas 1 koppie koekmeel in ‘n bak, maak ‘n holte in die middel, voeg 125 ml karringmelk en 80 ml bier by en klits tot goed gemeng. Laat staan die beslag vir 30 minute.
  •  Verhit olie in ‘n kastrol of diepvetbraaier tot 180C, laat karringmelk van die uieringe afdrup, doop die ringe in koekmeel en doop in die beslag. Braai ‘n paar ringe op ‘n slag tot bros en goudbruin, 2-3 minute. Dreineer op kombuispapier. Bedien met gegeurde sout en asyn.

WENKE:

Hoe kan jy keer dat jou oë traan as jy uie skil? Plaas die uie vir 3 minute in die yskas, sny die bokant af en hou die wortelkant heel – die grootste konsentrasie van die swael-komponente wat die trane laat vloei is aan die wortelkant.

Hoe om uie te stoor: Nooit in ‘n plastieksak nie! Bêre ongeskilde uie in ‘n koel plek met goeie ventilasie. Klaar-gekapte uie in ‘n goed-verseelde houer sal 7-10 dae in die yskas kan hou.

Hoe om uie-asem te voorkom: soms kan mens nie die smaak van rou uie  uit die mond uit kry nie – kou dan ‘n takkie pietersielie, of spoel die mond uit met sterk suurlemoenwater.

Om die reuk van uie van jou hande af te kry, vryf jou hande met suurlemoen. Om die uie-reuk uit ‘n pot of pan te haal, skuur dit met sout.

Om die ergste uie-byt uit rou uie te haal, kan dit opgekap vir  60 minute in yswater geweek word, of onder lopende water afgespoel word.

My eie groot vraag is: hoekom is daar nie ‘n Uiefees in ons land nie – daar’s tog ‘n fees vir alles. In ander werelddele is daar ui-saamtrekke soos die Uiefees in Weslaco, Texas; die Walla Walla Soetuiefees in Washington, die Big Onion Festival in Norfolk, Brittanje en in Glennville word die Soet Uiefees al 38 jaar gehou. Daar wor tot ‘n Mej Georgia Uiefees-koningin gekies.

Midde-Oosters-Mediterreens-gedekte tafel met uie wat hul glorie onthul langs skaapboud in perkamentpapier en sumac-platbrode.

Midde-Oosters-Mediterreens-gedekte tafel met uie wat hul glorie onthul langs skaapboud in perkamentpapier en sumac-platbrode.

Erfkos:

Uie is van die vroegste dae in die Kaapse nedersetting aangeplant en was ook deel van die groente wat vir die verbygaande skepe verskaf is. Al wilde uie wat reeds hier gegroei het en van die plaaslike mense se koskultuur sou wees is die wilde-prei (allium dregeanum), soos aangedui in Dr HW Claassens se  boek Die Geskiedenis van Boerekos.

Daar’s haas nie ‘n bredie, sop of sous wat nie begin met ‘braai die uie’ nie. Daar is egter ook uie-geregte wat op eie bene staan.

  • Slaphakskeentjies: lees gerus my blog-inskrywing oor slaphakskeentjies, en hoe hierdie erfkos-uieslaai aan sy naam gekom het.
  •  Die oumense het ook graag piekeluitjies gemaak – as jy Dine van Zyl se Die Groot Boerekos-boek 2 het, kyk op p 164. Sy vertel hoe hulle destyds die uitjies met ‘n hoedespeld geprik het.
  • ‘n Resep vir piekeluie verskyn reeds in ‘n Arabiese geskrif van 1165.

    Die manne wat vir die gevulde uie wolwefluite gegee het Sondag, cheer saam met my twee kossusters die gedienstige ui aan. Ian het die foto geneem. L na R: Anel, Righardt, ek, Daleen, Rick, Pieter

    Die manne wat vir die gevulde uie wolwefluite gegee het Sondag, cheer saam met my twee kossusters die gedienstige ui aan. Ian het die foto geneem.
    L na R: Anel, Righardt, ek, Daleen, Rick, Pieter

“Tita was so sensitive to onions, any time they were being chopped, they say she would just cry and cry, when she was still in my great-grandmother’s belly her sobs were so loud that even Nancha, the cook, who was half-deaf, could hear them easily. Once her wailing got so violent that it brought on an early labor. And before my great-grandmother could let out a word or even a whimper, Tita made her entrance into this world, prematurely, right there on the kitchen table amid the smells of simmering noodle soup, thyme, bay leaves, and cilantro, steamed milk, garlic, and, of course, onion.

Tita had no need for the usual slap on the bottom, because she was already crying as  she emerged, maybe that was because she knew then that it would be her lot in life to be denied marriage. The way Nancha told it, Tita was literally washed into this world on a great tide of tears that spilled over the edge of the table and flooded across the kitchen floor.

That afternoon, when the uproar had subsided and the water had been dried up by the sun, Nancha swept up the residue the tears had left on the red stone floor.  There was enough salt to fill a ten-pound sack-it was used for cooking and lasted a long time. Thanks to her unusual birth, Tita felt a deep love for the kitchen, where she spent most of her life from the day she was born.”  (Like Water for Chocolate, Laura Esquivel, Bantam Doubleday)

En vir oulaas die heerlike uiegebak:

Moet-maak gereg - ideal vir vleislose Maandag - los dan net die spek uit.

Moet-maak gereg – ideal vir vleislose Maandag – los dan net die spek uit.

Aartappels dauphinoise met neutmuskaat betower

8 Nov

My liefde vir ‘n ou ‘flame’ van my het hier in Prins Albert weer opgevlam met die koop van ‘n baie ou neutmuskaat rasper wat ek in ‘n antieke winkeltjie opgespoor het. Dis ‘n handige nommertjie – met bêreplek bo vir die neutmuskaat sodat jy geen rede het om ooit neutmuskaat in poeiervorm te koop nie.

Neutmuskaat staan dalk in die skadu van die ander speserye wat ons ma’s en oumas gebruik het kwistig gebruik het soos kaneel, naeltjies en koljander. Maar ai, dis daardie kosherinneringe van my ma wat wat vars neutmuskaat oor ons skorsies en ons kool gerasper het wat ek so goed onthou. Sy kon ons ook omkoop met witsous gegeur met neutmuskaat wat selfs  gewraakte kindertydgroente spinasie heerlik gemaak het- vandag nog is geroomde spinasie een van my gunstelinge.

Neutmuskaat bring sy deel in klein hoeveelhede – ‘n resep sal nie sommer vra vir ‘n teelepel neutmuskaat nie – net ‘n rasperveeg of twee. Die hemelse aroma wat oor my huis hang as ek aartappels dauphinoise maak is klaar beloning genoeg – daar gebeur iets hemels in die oondbak as die lae aartappels met room en kaas sy warm geure loslaat van sagte, amper soet knoffel en neutmuskaat.

aa aartappel vol bak blog

Mens het skaars ‘n resep nodig vir hierdie skottel aartappel-genot: Hou in gedagte dat die verhouding sowat 1 kg aartappel vir 600 ml room en 25g botter is. Ek skil nie eers my aartappels nie – sny dit muntstuk dun en kook dit in ‘n mengsel van melk en room (sowat 1 liter volroommelk saam met 600 ml room), wat goed gegeur word met klont botter, 1 gekneusde knoffelhuisie, sout peper en ‘n paar energieke rasperhale van die neutmuskaat. Wanneer die aartappels amper gaar is, pak ek die aartappels en gerasperde gryere kaas in lae in ‘n vlak oondskottel, goed met botter gesmeer. Jy eindig natuurlik met ‘n laag kaas, wat ook ge-neutmuskaat word en bak vir 40 minute tot die kaas borrelend diepbruin is.

Dis dan wat hierdie antieke spesery van die Myristica Fragrans-boom sy betowerende kant in groot maat wys.

Klits-Kuier met eier: die groot omelet-makietie (wen ‘n goudgeel klitser)

11 Oct

In die week nooi ek kosvriende op ‘n nippertjie: “Kom maak omelette saam met my!” Ek bel sommer; geen fêncy uitnodigings en formaliteite nie. En, voeg ek by, dis ‘n soort-van bring-en-kook-saam gedoente… ek gee die eiers en jy bring jou vulsel. Bring ook jou eie pan as jy kan, myne is maar dun en krom gekook na al die jare.

groep pic Eggs  4 S

Die gaste vir my omelet-makietie is Nic van Wyk (Diemersdal-sjef en Kokkedoor-bekende), Anél Potgieter (bekroonde blogger van ‘Life is a Zoo Biscuit en ‘all-round’ fantastiese maltrap, flambojante mens) en my ou pêl-so-groot-soos-’n-ysbeer Fritz Brand, wat manne op sy blog Realmencancook agter die stoof kry.

Die kuier het wel ‘n bymotief. Vrydag is dit Wêreld Eierdag, en ‘n lieflike verskoning vir my as eier-aktivis (‘eggtivist’) om die saak van eiers vir ons kombuis, ons gesondheid en ons beursie te stel.

As jy eiers in die huis het, het jy die begin van ‘n lekker kuier. ‘n Omelet sê aan jou vriende: ‘dankie, in jou geselskap kan ek net myself wees.’ ‘n Lekker omelet is kulinêre ‘old money’ – ‘n gereg wat weelde ken, maar dit nie aan die groot klok hang nie (souffles is meer die uithaal-en-wys onthaaldis).

Elizabeth David, die Britse kosskrywer beskryf hoe om ‘n ete rondom ‘n omelet en ‘n glas wyn te beplan.  ‘Begin dalk’, raai sy aan, ‘met ‘n snytjie tuisgemaakte patee en ‘n paar olywe. Agterna ‘n vars slaai met ‘n stuk lekker romerige ryp kaas of sommer net vars vye en aarbeie.’ Daarom is my kombuis nooit sonder minstens ‘n dosyn eiers en koue wyn nie.

aaa eiers

Maar kyk, daar is omelette en daar is o.m.e.l.e.t.t.e – soos Omelet Molière wat ek juis uit David se skrywes geleer maak het: om ‘n eetlepel fyngerasperde parmesaan en peper saam met drie eiers te klits; ‘n pan warm te maak en die vlam op te draai wanneer ‘jy ‘n eetlepel botter ingesit het; dan word die eiermengsel ingegeooi net voor die babbelende botter begin bruin word. Dan ‘n eetlepel Gruyère en ‘n lepel room by.

Ek dwaal af. Terug by die omelet-partie. Ek het ‘n paar dosyn eiers gekoop, party vir tafelversiering saam met goudgeel rose en krisante wat ek in eierkelkies gesit het. Borde op ‘n stapel gepak en wyn in die yskas. Fritz is die eerste gas, met bestanddele vir sy nuutskepping – ‘n hibried tussen ‘n omelet en spaghetti carbonara . Slim kind, hy bring sy eie mengbakke en klitser saam.  Sy geheime wapen is ‘n tipe bacon van varkwange – ‘n Italiaanse rariteit – wat hy bros braai soos kaiings. So vinnig soos hy sy ‘carbonette’ (of is dit omenara?) optower, so vinnig moet hy nog maak. Ja, ‘real men can cook an omelette’, bewys Fritz.

aaa collage fritz

Sikloon Anel warrel my kombuis in, gekneus deur ‘n blou Maandag. Soos sy klits aan haar peer-en-brandewyn soetomelet raak haar glimlag net breër.  Die pere prut praterig in die bruin botter, dan gooi sy die geklitste eier by. Ek hou my asem op toe sy die brandewyn oorgooi. Dan volg die drama van vlamme en die verrassing van ‘n soet omelette saam met die soutigheid van die botter. You rock, Anella.

aa anel collage

My uitdaging aan sjef Nic was om vir ons ‘n sjeffie-omelet te kom maak. Dit doen hy so casual soos net hy kan wees. ‘n ‘King & Queen Omelette’ met truffelolie en sampioenstof . “Op sy lekkerste met sjampanje”, vertel hy en vou die romerige omelet meesterlik om en om. Drup-drup die truffelolie, strooi-strooi die fyngekapte grasuitjies, en rond af met die sampioenpoeier wat hy in die oond gedroog en toe fyngemaal het. Umami, mmmm.  Anel swymel, ek probeer skelm meer as my deel inskep. Fritz lek sy lippe en sy vingers af.

aaa collage nic

Toe is dit my beurt. Ek haal my beste partie-truuk uit – die wonderwolk-omelet wat ek by Ria Steyn van Prins Albert geleer het. Die tegniek wat die angel uit omelet-maak haal is dat die styfgeklopte eierwit nie by die eiergeel ingevou word nie, maar eerste in die pan gegooi word. Dan volg die eiergeel – en die geheim is dat jy niks roer nie. Staan net in verwondering en kyk  hoe die eiergeel sy lê kry onder die wolk van eierwit.

Al die gepof  vra ‘n eenvoudige aanslag. Net kaas, soos die Franse omelette au fromage.

“Jislaaik, kyk hoe pof hy. Maak jy Baked Alaska?”, spot-vra Fritz en doop summier my pof-poging Die Omelaska!

aaa collage erried

KAAS-OMELASKA

 Dit vra net eiers, botter, neutmuskaat en gerasperde kaas. En omdat ek van rooi op die bord hou ‘n trossie tamaties-aan-tak wat ek skrikgemaak het in ‘n riffelpan.

2-eier omelet per persoon

 Bestanddele:

 2 eiers

Sout en peper na smaak

Gerasperde neutmuskaat

Stewige klontjie botter (nie margarien nie)

Gerasperde kaas

Skei die eiers. Klits die eierwitte tot dit stywe punte vorm. Gooi 15 ml kraanwater by die eiergeel in ‘n bakkie en klits tot skuimerig. Geur met sout en peper. Smelt botter in ‘n medium pan tot dit net begin sis en raas, gooi eierwit in pan en giet geklitste eiergeel bo-oor. Moenie roer nie. Bak tot goudbruin onder en die eierwit geset maar nog wolkerig. As jy wil kan jy die omelet met pan en al vir ‘n minuut onder die roosterelement plaas om die bokant hitte te gee. Gooi die omelet-vulsel oor die een helfte, vou oor en glip dit uit die pan.

KONINKLIKE OMELET, TRUFFELOLIE EN SAMPIOEN-STOF

Hierdie omelet van Sjef Nic Van Wyk is ‘n ware ‘rags to riches’ storie; ‘n alledaagse eier wat as adellike gekroon word. Eiers is so bekostigbaar dat jy maar bietjie kan belê in ‘n klein botteltjie truffelolie.

*Nic maak die sampioenstof van cepsampioene se skilletjies wat oornag in die oond uitgedroog en dan fyngemaal word – jy kan klaargedroogte ceps koop en self fyn maal.

4 eiers

30 ml melk

10 g botter

Sout en witpeper

25 g kaas soos Huguenot of ligte gruyere

1 ml of ‘n paar druppels wit truffel-olie

Grasuie, gekap

Sampioene-stof*

Kilts die eiers, melk, sout en peper saam.  Verhit ‘n kleefvrye 20 cm pan (nie te warm nie), smelt die botter en giet die geklitse eiers in die pan. Roer baie effens van buite af binne toe. Kook 2 minute, gooi die kaas en sampioenstof oor en plaas in ‘n warm oond vir nog 2 minute. Die eier met nog romerig-loperig wees. Haal uit, strooi grasuie oor en ‘n paar druppels truffelolie. Vou die omelette toe, gly uit op die bord en bedruip met nog ‘n paar druppels van die truffelolie. Rond af met die grasuie en bedien.

WEN ‘n KENWOOD KMix handmenger met komplimente van die Suid-Afrikaanse eierboereKenwood

Drie Huiskok Glanskok-luisteraars kan elk ‘n lieflike goudgeel Kenwood Trimix (met drie aanhegsels) ter waarde van R1 000  wen. Dankie aan die eierboere van Suid-Afrika wat dit geskenk het sodat ons Wereld Eierdag kan vier.

Om in te skryf:  Stuur jou naam en kontakbesonderhede, tsaam met jou antwoord op die kompetisievraag aan my e-pos errieda@edtpr.co.za . Dui in die onderwerplyn aan ‘RSG/Huiskok Wereldeierdag-kompetisie’. (Net een inskrywing per persoon)

Kompetisievraag: Noem een rede hoekom die Huiskok van eiers hou. (Lees hieronder vir leidrade)

Sluitingsdatum: Saterdag, 12 Oktober om 20h00

Hoekom Die Huiskok van eiers hou:

 – om elke dag ‘n eier te eet is gesond – en medici stem saam. Daardie ou opvattings oor eiers is  hersien en ek kan na hartelus ‘n eier ‘n dag eet.

– Ek verkies om my Vit D op ‘n natuurlike wyse in te kry. Eiers help bou spiere, sterk bene en tande.

– Ek begin my dag met ‘n gekookte eier – dis vinnig, voedsaam en hou my vir langer vol as koolhidrate.

– Eiers is goed vir oog-gesondheid, want dit bevat die anti-oksidante lutein en zeaxhantin.

– Dit is baie goed vir Ma Inez, nou 85, om daagliks eiers te eet, want dit bekamp spierverlies wat met veroudering saamgaan. Eet jou eiers, moedertjie.

– Eiers is uitstekend vir swanger vroue: Die cholien in eiers help voorkom geboorte-defekte en bevorder breinontwikkeling.

Vir meer inligting oor Wêreld Eierdag of eiers besoek www.worldeggday.com of www.sapoultry.co.za

DANKIE AAN ROXY LAKER VIR DIE FOTO’S

Toffee apple camembert a tale of innocence lost

2 Nov
Innocence and seduction… all this in a tiny apple?

Samarie Smith took this pic when we shot our book Huiskok Glanskok

Apples. Symbol of innocence and temptation; sensual love and wholesomeness.  Biting into an apple can keep the doctor away or signal something different all together. The literature teacher Tina Blue once wrote that the apple has become a symbol of deadly seduction and of innocence betrayed.  This is very much the case of Snow White who – by accepting the apple (just like Eve did in Paradise) –  leaves her youthful innocence behind and move into another stage of existence. It’s with these two sides to the same apple in mind that I turned toffee apple, a sweet symbol of childhood,  into a playmate for a deliciously ripened Cambrieni (itself a hybrid of two cheeses – camembert and brie).

Baby toffee apples on camembert. Image: Samarie Smith for our book Huiskok Glanskok

Apples were popular gifts with mythical gods; representing the cycle of life, of death and of rebirth.  Heavy stuff, so let’s rather look at lighter stuff: apples in the kitchen. There’s the wholesomeness of apples in a fruit bowl on the kitchen table; warm apple pies with cream, homemade apple sauce as the ideal playmate for crisp pork belly. Apples are true multi-taskers when it comes to feeding the kids, the fresh staple of the brown bag lunch, the quick snack, the go-to fruit to enjoy with a slice of cheese.

As the poster child for kiddies parties, covered in a tooth-challenging candy coat of red or fairy tale green, the toffee apple brings back memories of playgrounds, school fetes, church bazaars and fairgrounds. As the cycle of life continues rosy apple cheeks and puppy fat are replaced with teenage blush, dreams of Prince Charming in a new model BMW (preferably his own).

This change from child to teen to adult goes through a heated phase. The same for the toffee apple. I dip the apple into a furnace of molten sugar candy that bubbled and gurgled at 150°C a few seconds ago. Holding onto the stems for dear life, careful not to burn my fingers, the tiny apples are transformed into edible glass baubles. The metamorphosis is instant, permanent and totally seductive. Now they wait, like Snow White in her sarcophagus of glass, for a suitor to ravish them.

I choose a ripe party-sized Cambrieni as a stage for these tiny apples, now all grown up in their shiny, see-through coats. I place one red-clad toffee apple among them, a tongue-in-cheek gesture of innocence lost.

TINY TOFFEE APPLES ON CAMEMBERT

This recipe has special significance for me. Toffee apples on camembert is the first dish in the opening chapter of my debut cookbook Huiskok Glanskok which I did  with my friend Chef Francois Ferreira. An idea inspired by a cover of  Taste, this  delicious combination of creamy camembert and sweet apple is my favourite cheese course and dessert in one. I use the large Cambrieni which easily serves 12 people. For a smaller dinner party 2 or 3 regular sized camemberts are fine. The tiny toffee apples work equally well as an accompaniment on a cheese board to Cheddar, matured Gouda or the delicious gorgonzola-style Simonzola.

The base recipe for making the toffee was given to me by my friend Herman Lensing of Sarie. Candy and caramel can be daunting to the novice, but using a sugar (candy) thermometer makes this an easy-as-apple-pie recipe. If you don’t have a thermometer, you just need to watch the clock and use some low-tech. See below for tips how to test if the syrup is ready.

This mixture is enough to coat 14 large toffee apples. It is best not to halve the recipe, as it will not be as easy to dip the apples if the level is too low. Use the leftover to coat regular apples and dish them out to the neighbours’ kids.

Getting started. Use a candy thermometer to make it as easy as apple pie!

Ingredients

2 tins (425 g each) baby apples with stem, well-drained. (I use Goldcrest)

500 g sugar

100 g glucose powder (available from pharmacies)

125 mℓ water

30 g butter

*Optional: red or green food colouring (see note below)

For serving: 1 Cambrieni or smaller camembert rounds

(have a few large red apples ready stuck with wooden skewers on hand if you wish)

Method

Line a baking tray or tea tray with baking paper and spray well with Spray and Cook (otherwise your apples’ bottoms WILL get stuck onto the paper).

Place the sugar, glucose and water in a medium saucepan. If using a candy thermometer put it into the saucepan now. Stir over low heat till the sugar has dissolved. This takes about 4 minutes.

Now turn up the heat and rapidly boil the syrup until it reaches 150C (hard crackle point*). This takes around 8 minutes. Add butter and stir with a wooden spoon till melted. Be careful as it  foams up.  Note: if you want to make coloured toffee apples adda few drops of food colouring now.

Dip each apple carefully into the very hot syrup. Place on the prepared baking paper and cool.

To serve: place on Cambrieni or on small camembert rounds.

Cheeky red toffee apple sneaked in. Ready to be placed on camembert, or place these on the cheese board with a selection of blues, cheddar or gouda.

Tips:

  • Testing for hard crackle phase: After 8 minutes, place a small drop in ice water. If it forms a hard glasslike ball, your syrup is ready.
  • If you want to use this recipe to make the standard large toffee apples, simply stir in 10 mℓ red or green food colouring (less for more subtle colour). I add 5 mℓ food colouring to the remaining clear toffee mixture to make a few red toffee apples to place among the au naturals.
  • When making standard toffee apples, insert a wooden skewer into each apple. When dipping use this as a handle.

Read more about cheese:

The new  Simonsberg website is a great destination for cheese lovers. Go to http://www.simonsbergcheeselovers.co.za and join the club.

As pr consultant to Simonsberg I get to try their products all the time. The Cambrieni is unique to Simonsberg and was a first for South Africa. It’s the perfect party piece for home entertainers and hobby cooks like you and I.

 

%d bloggers like this: